اسلام آباد۔ 13 اکتوبر (اے پی پی) پاکستان انٹرنیشنل ایئرلائن( پی آئی اے) نا کینیڈا کن براہ راست جہاز آتا سیکورٹی نا جاچ ءِ ہلنگ کن ٹرانسپورٹ کینیڈا نا اِرا باسکی ڈل 4 دسمبر آ کراچی جناح انٹرنیشنل بالی پٹ انا دورہ ءِ کیک۔ پاکستان سول ایوی ایشن اتھارٹی نا ترجمان نا کنڈآن جاری بیان نا رداٹ ٹرانسپورٹ کینیڈا نا اِرا باسکی ڈل 4دسمبر آن کراچی جناح انٹرنیشنل نا دورہ ءِ کیک۔ ڈل جناح انٹرنیشنل نا سیکورٹی آڈٹ و اسیسمنٹ کن بننگ ءِ۔ ٹرانسپورٹ کینیڈا نا ڈل انا دورہ نا مسخت پی آئی اے نا کینیڈا کن براہ راست جہاز آتا سیکورٹی نا جاچ ءِ ہلنگ ءِ۔ سول ایویشن اتھارٹی ٹرانسپورٹ کینیڈا ءِ دورہ ٹی ہر ممکن کمک فراوان کیک۔ ٹرانسپورٹ کینیڈا نا ٹیم فلائٹ آپریشن، بیگیج کنٹرول، کارگو آپریشن نا جاچ ءِ ہلیک۔ ٹرانسپورٹ کینیڈا ایکسیس کنٹرول، پیری میٹر سیکورٹی ، فلائٹ کچن و ریکارڈز انا وڑوڈول ءِ ہم ہرک۔ ٹرانسپورٹ کینیڈا سی اے اے، پی آئی اے، اے ایس ایف، کارگوکمپلیکس و فلائٹ کچن ناوڑوڈول آتاہم جاچ ءِ ہلیک۔
