فیصل آباد۔ 13 اکتوبر (اے پی پی) فیصل آباد تون اوار مچ آملک اٹی خلقی زالبول آتا جہانی دے (انٹرنیشنل ڈے آف رورل وویمن) ءِ 15 اکتوبر یک شنبےنادے آ اڈتننگک۔ دا چرجوئی ٹی چندی دود آتے اڈتننگک۔ ہندا دے ءِ اڈتننگ نا مسخت خلقی زالبول آتا خذمت آتا امنائی تون اوار اوفتے مون تروک مشکل و ویل آتے تالان کرسا اوفتا ایسری کن گام گیج سلاہ کننگ ءِ نیز داوخت آ زالبول آتا حق اکن سرگرم این جی او تا کنڈآن اڈ ہلوک سمپیوزیمز اٹی خلقی زالبول آتا ملکی شونداری وشونہالی ، زرگزران نا بحالی، کشت وکشار نا مون آ دننگ، لائیو اسٹاک سیکٹر نا دوام پین پین اکن کڑد آہم سرجمی اٹ گپ وتران ہم کننگک۔ یات سلے کہ اقوام متحدہ اسہ قرارداد اسے نا کمک اٹ دسمبر 2007 اٹی ہرسال 15 اکتوبر آ اقوام متحدہ نا 170 آن زیات شون ہلوک و پدتموک ممبرملک آتیٹی خلقی زالبول آتا جہانی دے ءِ اڈتننگ نا منظوری تسوسس ہرانا رداٹ 15 اکتوبر 2008 آن ہرسال باقاعدگی اٹ زالبول آتا جہانی دے ءِ اڈتننگ انگ ءِ۔
