بیجنگ۔ 13 اکتوبر (اے پی پی) چائنا میڈیا گروپ (سی ایم جی ) نا کنڈآن 11 می گلوبل ویڈیو میڈیا فورم بیجنگ اٹی اڈ ہلک۔ پاکستان تون اوار 63 ملک و ڈیہہ آتیان 108 جہانی میڈیا تنظیم و مین سٹریم میڈیا تنظیم تا سروک آتون اوار 140 آن زیات مہمانک آن لائن و آف لائن فورم و تعلقدار سرجزآتیٹی بشخ ہلکر۔ چینی خبررساں ادارہ نا رداٹ سی ایم جی نا صدر شین ہائی شیونگ و اسٹیٹ کونسل انفارمیشن آفس نا ڈائریکٹر سن یے لی دود اٹی بشخ ہلکر و تقریرکریر۔ شین ہائی شیونگ تینا تقریر اٹی پارے کہ سی ایم جی، میڈیا زموار آتے بشخنگ، شاہراہ ریشم آ سنگتی ءِ مون آ دننگ و اسیجائی سلابت، اسیجائی تعمیر و شریداری نا حامل ‘‘بیلٹ اینڈ روڈ’’ نا اسہ پوسکن ءُ بشخ اسے نا جوڑ کننگ اٹ میڈیانا واک انا بشخ شاغنگ کن چندی ملک آتا میڈیا غاتون کاریم کننگ کن تیار ءِ۔ سن یلی تینا تقریر اٹی پارے کہ او چندی ملک آتا میڈیا نا فعال انٹرویوز و رپورٹ آتا چاری ءِ و ’’بیلٹ اینڈ روڈ’’ نا تفنگ آ چکار تخر۔ ایسوسی ایٹڈ پریس، رائٹرز، لاطینی امریکی پریس یونین، عرب اسٹیٹس براڈ کاسٹنگ یونین، ازبکستان ، روسی انڈیپینڈنٹ ٹیلی ویژن، پاکستان، لاؤس و سویلی افریقہ تون اوار 49 ملک آتا 75 جہانی میڈیا ادارہ غاتا سروک آک دا فورم نا بابت ویڈیو کلہو گدریفیر، ہراٹی سی ایم جی تون کثیر جہتی کمکاری ءِ ودفنگ نا است خواہی نا درشانی ءِ کننگا۔
