جنیوا ۔ 13 اکتوبر (اے پی پی) اقوام متحدہ نا انسانی حق کونسل پاکستان نا کنڈآن پیش کروک اسہ قرارداد اسے نامسودہ نا منظوری ءِ تس ہراٹی شونداری نا حق ءِبطور انسانی حق گوندنگانے و شونداری ٹی انسانی شونداری نا مرکزی کڑدانا اہمیت ءِ امنا کننگانے۔ دا قرارداد ءِ پاکستان نا سفیر ضمیر اکرم پیش کرے۔ ضمیر اکرم جنیوا ٹی اقوام متحدہ نا انسانی حق کونسل نا رائٹ ٹو ڈویلپمنٹ نا بابت ورکنگ گروپ نا چیئرمین ءِ۔ 47 باسکی کونسل اٹ مسودہ نامخ تفی ٹی 29 و مخالفت اٹی 13 وونٹ تما وخت اس کہ 5 باسک ووٹنگ اٹی بشخ ہلتور۔ اسہ چاہندار اس پارے کہ کم وود 40 سال انا بین الحکومتی گپ وتران آن پد شونداری نا حق ءِ مون آ دننگ نا کنڈآ دااہم سرسہبی اسہ اہم ءُ مزل اسے۔ شونداری کننگ نا حق ہندن ءُ انسانی حق اسے ہرا پدتموک ملک اقوام متحدہ نا چارٹر و انسانی حق انا جہانی اعلامیہ نا رداٹ تدوک آ چار عشرہ غاتیان تینا شاری تے فراوان کننگ ءِ دانا مسخت داہیت ءِ پک کننگ ءِ کہ شونداری کننگ نا حق ایلو انسانی حق انا بشخ ءِ، داحق ءِ ایلو انسانی حق آتیان جتا کننگ مفک، دااوفتے تون گنڈوک ءِ و داحق و ایلو انسانی حق انا اسہ ایلو آ سیبو ءِ۔ ہیومن رائٹس کونسل 2018 ٹی ورکنگ گروپ نا سروک پاکستانی سفیر ضمیر اکرم ءِ شونداری نا حق انا بابت کانودی وڑاٹ پابند کروک آ معاہدہ نا مسودہ تیار کننگ نا پرمان کریسس ہراکونسل نا مئی 2023نا دیوان اٹی پیش کننگاسس و کونسل اودے منظور کریسس۔ اقوام متحدہ ٹی چندی ملک آتا مندوبین قرارداد نا مسودہ نا منظوری ءِ پاکستان نا اہم سفارتی سرسہبی گوندانے۔
