سی پیک نا سرسہبیک دنیاءِ بی آرآئی نا سوگو قوت اٹ درستی راستی کرفیر،حوال

اسلام آباد۔ 11 اکتوبر (اے پی پی) چین پاکستان اقتصادی راہداری (سی پیک) نا تعمیر’’بیلٹ اینڈ روڈ‘‘نا فلیگ شپ ڈٹ انا وڑاٹ تدوک آ 10 سال آتیٹی بھرمی پیش رفت کرینے۔ چارشنبے نادے آ چینی میڈیا نا اسہ حوال اسے ٹی پاننگانے کہ سی پیک نا رداٹ پاکستان نا اولیکو سب وے و اولیکو سمارٹ ہائی وے نا گڑاس بشخ آتے پورو وڑاٹ ملنگانے، چین پاکستان اقتصادی راہداری ٹی کمرشل انرجی پروجیکٹ آتا کل نصب شدہ لائخی پاکستان نا جم لائخی نا کم و ود بیست درسد اسکان سرمسنے۔ سی پیک آن جم وڑاٹ 155،000ہندی ملازمت ودی مسنے۔ حوال نا رداٹ دا سرسہبیک دنیا ءِ ’’بیلٹ اینڈ روڈ‘‘ نا سوگو قوت اٹ درستی راستی کرفینے۔ حوال اٹ مستی پاننگانے کہ تدوک آ 10 سال اٹی بی آرآئی نا تصور آعملی گام گیج پدریسہ برجاءِ و ہمہ جہت نتیجہ دوئی کننگ انگ ءِ۔ ’’بیلٹ اینڈ روڈ‘‘ انیشی ایٹو، گلوبل ڈویلپمنٹ انیشی ایٹو، گلوبل سیکورٹی انیشی ایٹو، گلوبل سولائزیشن انیشی ایٹیو جاگہ جوڑ کرینے ہراڑان دنیا ٹی شونہالی و سوگوی نا پبی فائدہ رسینگا و مخلوق نا حقی راجی آسودہی مسنے۔