اسلام آباد۔ 12 اکتوبر (اے پی پی) نگران بنجائی وزیر ڈٹ بندی ، شونداری، اصلاحات و خصوصی گام گیج سمیع سعید پارینے کہ سی پیک ءِ دہ سال مس، داتم اسکان سی پیک نا رداٹ 31 جتا ڈٹ آتے پورو کننگانے، دا ڈٹ آتیا 32 ارب ڈالر نا زرکاری مس، داخیال آتا درشانی ءِ او داڑے اڈہلوک دود آن تران کرساکرے۔ نگران وزیرڈٹ بندی پارے کہ سی پیک ءِ دہ سال مس ہراٹی چندی ڈٹ آتے سرسہبی اٹ پورو کننگا۔ وزیراعظم پاکستان بروک آ ہفتہ بیجنگ اٹ اڈہلوک بی آر آئی کانفرنس اٹی سی پیک نا بابت وزیر و کمامدارآتون اوار بشخ ہلیک۔ اوپارےکہ قائد اعظم یونیورسٹی ٹی معدنیات و قدرتی وسیلہ غاتیا پٹ وپول کن پوسکن آ ارتھ سینٹر جوڑ کننگانے۔ دا سینٹر چین نا کمک اٹ معدنیات نا بشخ ءِ پوسکن جوڑ کننگ و اوٹی نہادی وسیلہ غاتا پٹنگ کن کاریم کیک۔ بی آر آئی گام بیست ءُ یک می صدی ٹی زرگزران تے گنڈنگ و قوم تا نیام اٹ شریداری عمل نا کمک اٹ شونہال نا دوئی کننگ نا اہم گام ءِ۔ بنجائی وزیر پارےکہ کنے خوشی ءِ کہ پاکستان اٹی اسہ تُو مست تعینات مروک آ چینی سفیر نا سی پیک آ سخت نظر و معلومداری کنے آن ہم زیات ءِ، ہڑتوم آ ملک آتا نیام اٹ سوگو متکن و سوگو تعلقداری ءِ۔ داتم اسکان سی پیک نا رداٹ 31 جتا ڈٹ آتے پورو کننگانے۔ اوپارے کہ داڈٹ آتیا 32 ارب ڈالر نا زرکاری مس۔ ملک اٹی 4 خصوصی صنعتی زون جوڑ کننگا۔ چین اتون کشت کشار، سائنس و ٹیکنالوجی، آئی ٹی و معدنیات نا بشخ آتیٹی کمکاری ءِ مون آ دننگک۔ سی پیک نا کمک اٹ راجی بشخ آتا جدت و گچینی کن ہم کاریم کننگک۔
