اسلام آباد۔ 12 اکتوبر (اے پی پی) انسٹی ٹیوٹ آف سٹریٹجک سٹڈیز اسلام آباد (آئی ایس ایس آئی) اٹی انڈیا سٹڈی سینٹر جموں وکشمیر کن او آئی سی سیکرٹری جنرل نا خصوصی نمائندہ /سیاسی امور نا اسسٹنٹ سیکرٹری جنرل یوسف الدوبے تون اسہ گول میز شرہ سے نا مہمانداری ءِ کرے۔ ڈائریکٹر آئی ایس سی ڈاکٹر خرم عباس ڈل ءِ بخیرکرسا جموں وکشمیر نا جھیڑہ غا پاکستان نا موقف نا اوآئی سی نا پدریسہ مخ تفی نا ذکر ءِ کرسا پارے کہ او آئی سی جموں و کشمیر نا الس کن مدام سوگو توار بڑز کرینے۔ ایلو بشخ ہلوک آتیٹی کل جماعتی حریت کانفرنس نا مسکوہی کنوینر غلام محمد صفی، مسکوہی وزیر آزاد کشمیر فرزانہ یعقوب، کشمیر انسٹی ٹیوٹ آف انٹرنیشنل افیئرز نا چیئرمین الطاف حسین وانی، مسکوہی سفیر و اکیڈمکس آئی پی ایس نا وائس چیئرمین سید ابرار حسین ، لیگل فورم فار کشمیر ناچیئرمین ایڈووکیٹ ناصر قادری، شیخ عبدالمتین، تعلیم نا چاہندار و یونیورسٹی نا طالب علم آک اوار ئسر۔
