اسلام آباد۔ 12 اکتوبر (اے پی پی) صدر مملکت ڈاکٹر عارف علوی شہید آتے وطن نا خاطر جام شہادت نوش کننگ آ خراج عقیدت پیش کرینے۔ ایوانِ صدر نا پریس ونگ آن پنچ شنبے نادے آ جاری بیان نا رداٹ صدر مملکت کُرم و ژوب اٹی شہید مروک آ پاک فوج انا ورناتا خاہوت آتون ٹیل فون آ ہڑزخواہی کرے۔ صدر مملکت 29 ستمبر آ شکارتنگی پوسٹ کرم آ جلہو اٹی شہید مروک آ لانس نائیک غیرت خان نا وارث  آتون ہیت کرے۔ صدر ڈاکٹر عارف علوی  28 ستمبر آ ژوب بلوچستان اٹی دہشت گرد جلہو اٹی شہید مروک آ سپاہی ندیم خان نا خاہوت آتون ہم ہڑزخواہی کرے۔ صدر مملکت شہید آتے وطن نا خاطر جام شہادت  نوش کننگ آ خراجِ عقیدت پیش کرے۔ صدر شہید آتے سلام پیش کرے و اوفتا درجہ غاتا بڑزی کن دعاکرے۔ صدر مملکت شہید آتا خاہوت آتون ہمدردی نا درشانی ءِ کرے و صبر وجمیل نا دعاکرے۔

متعلقہ مضامینمصنف کی طرف سے مزید