اسلام آباد۔ 12 اکتوبر (اے پی پی) بحریہ یونیورسٹی نا اسلام آباد کیمپس و پاکستان ریسرچ سینٹر فار اے کمیونٹی ودشیئر ڈ فیوچر پاکستان اٹ جوڑ چین نا سفارت خانہ و چائنہ میڈیا گروپ نا کمک اٹ ’’بیلٹ اینڈ روڈ انیشیٹیو: علاقائی رابطہ غاتا کنڈآ اسہ گیٹ وے‘‘ اسے نا سرحال آ اسلام آباد اٹی اسہ دے ئی جہانی کانفرنس اس اڈتننگا۔ پنچ شنبےنادے آ مروک آ کانفرنس نا بنداوی مسخت علاقائی سٹیک ہولڈر آتا نیام اٹ اسہ بھلورابطہ اس جوڑ کننگ و بی آرآئی نا کمک اٹ علاقائی کمکاری نا اہمیت ءِ سمجھنگ کن الس تون الس نا رابطہ ءِ ودفنگ ءِ۔ کانفرنس آن تران کرسا بحریہ یونیورسٹی اسلام آباد کیمپس اٹی فیکلٹی آف ہیومینٹنز اینڈ سوشل سائنسز نا ڈین پروفیسر ڈاکٹر آدم سعود کانفرنس نا گرج ومسخت آتا بارواٹی طالب علم آتے معلومدار کرے۔ اوپارے کہ بی آرآئی اسہ فائدہ مند ڈٹ اسے و دا علاقائی انضمام نا غٹ نقطہ نظر نا شریداری ءِ کیک۔ داوخت آ چائنا میڈیا گروپ اسلام آباد اسٹوڈیو نا ڈائریکٹر حوپھنگ پھنگ تینا تران اٹی بی آرآئی نا زبردست کِسہ غاتے بیان کرے۔ اوچائنا میڈیا گروپ نا کاریم نا تعارف ءِ کرفے۔ اوناپاننگ ئس کہ چائنا ریڈیو انٹرنیشنل نا اردوسروس 1960 نا دہائی ٹی بناکننگا و دا باقاعدہ پروگرام و وڈیوپروڈکشن کیک۔ حوپھنگ پھنگ الس تون الس نا رابطہ غاتے مون آ دننگ نا بابت سی پیک نا فائدہ غاتے بیان کرے۔ داوخت آ مسکوہی ڈائریکٹر جنرل انسٹی ٹیوٹ فار سٹریٹجک سٹڈیز، ریسرچ اینڈ اینالیسس میجر جنرل (ر) ڈاکٹر ثمریز ملک 21 می سدی نا جغرافیائی سیاست اٹ سی پیک نا جاچ ءِ پیش کرے۔
