راولپنڈی۔ 12 اکتوبر (اے پی پی) اینٹی نارکوٹکس فورس (اے این ایف) منشیات اسمگلنگ نا برخلاف کریک ڈاؤن کرسا 3 کارروائی تیٹی 208 کلوگرام منشیات دوئی کرسا 3 دوبہ دار آتے دزگیرکرے ۔ اے این ایف ترجمان نا رداٹ گڈ اپ ٹاؤن کراچی ٹی منشیات اسمگلنگ نا بھلو کوشست اسے بے سہب کننگا۔ سوف آن پُر ٹرک اسے آن 168 کلوگرام چرس دوئی کننگا۔ دوئی مروک چرس آتے ٹرک انا ڈیزل ٹینکی ٹی جوڑ کروک اودیم خانہ غاتیٹی اودیم کننگاسس۔ کارروائی ٹی قلعہ عبداللہ نا ہنکینی دوبہ دار ءِ دزگیرکننگا ۔ کوئٹہ ٹی کارروائی کرسا کار اسے آن 40 کلوگرام چرس دوئی کننگا۔ کارروائی ٹی کوئٹہ نا ہنکینی دوبہ دار اس دزگیرہم کننگا۔ جمرود روڈ پشاورآ ہندی ہنکینی نا کوزہ غان 274 نشئی ءُ (ایکسٹیسی )گولی ہم دوئی کننگا۔ دوبہ دار منشیات خیبرآن پنجاب اسمگل کننگ نا اعتراف ءِ کرے۔ ترجمان پارے کہ دوبہ دار نا برخلاف انسدادِ منشیات ایکٹ نا رداٹ مقدمہ درج کرسا مستی جاست وپاست نا بناءِ کننگانے۔
