اسلام آباد۔ 12 اکتوبر (اے پی پی) پاکستان اٹ چین نا سفیر جیانگ زیڈونگ پارینے کہ بی آر آئی نا رداٹ زرگزرانی و دفاعی سیکورٹی گچین مریک، پاکستانی الس ءِ زرگزرانی مشکلات ءِ ولے دا منہ مد اکن ءِ، پاکستان اٹ کشت وکشار ومعدنیات اٹی شونداری کن بھلو گمان اس ساڑی ءِ۔ داخیال آتا درشانی ءِ اوبی آر آئی سیمینار آن تران کرساکرے۔ چینی سفیر پارے کہ بی آر آئی نا رداٹ زرگزرانی و دفاعی سیکورٹی گچین مریک۔ بی آر آئی ملک آتا نیام اٹ رابطہ غاتے گچین کننگ نا ڈٹ ءِ۔ پاکستان تون کشت وکشار آئی ٹی سائنس و ٹیکنالوجی و معدنیات اٹی کمکاریءِ مون آ دننگک۔ چینی سفیر پارے کہ پاکستانی الس ءِ زرگزرانی مشکلات ءِ ولے دامنہ وخت اکن ءِ ۔ پاکستان اٹ کشت وکشار و معدنیات اٹی شونداری کن بھلو گمان اس ساڑی ءِ۔ پاکستان ءِ دا بشخ آتیٹی پیدوار ءِ ودفنگ و جدت اتنگ اٹ کمک ایتنہ۔ سی پیک نا رداٹ پائیدار شونداری اہم ءِ۔ کاروبار اٹی وسعت و واپار ءِ مون آ دننگ ن سازگار حالیت و دوستانہ پالیسی تا مننگ المی ءِ۔ اوپارے کہ وزارت ڈٹ بندی بھاز جوان ءُ پالیسی جوڑ کرے۔ موافق پالیسی و حالیت آتے پین بایدے ودفنگے۔ پاکستان انسانی و قدرتی وسیلہ غاتیان شپ ملک اسے، نن پاکستان تون مصنوعات آتا درآمد اٹی ودکی خوانہ۔ اوپارے کہ پاکستان مصنوعات آتا درآمد کن حالیت ءِ سازگار جوڑ کننگ ءِ۔ برآمدآتیٹی ودکی کننگ کن گچین پالیسی نا ٹہیفنگ و عملی گام گیج المی ءِ۔ پاکستان نا کنڈآن چینی ورکرآتے سیکورٹی تننگ آ منتوار اُن۔ سیکورٹی حالیت بدل مرسا کیک ہنداسوب آن زیات خیال تخنگ نا گرج ءِ۔ دااہم سیمینار ہراڑان ای ہم پوسکن آ گڑاتے ہیل کیوہ۔
