اسلام آباد۔ 11 اکتوبر (اے پی پی) نگران وزیراعظم انوارالحق کاکڑ پارینے کہ پی آئی اے و نسخان نا گواچی ایلو سرکاری ملکیتی ادارہ غاتا نجکاری نا عمل ءِ پین ترند کننگے۔ ملک زرگزرانی مشکل آتا گواچی ءِ و قومی ادارہ غاتا نسخان دا مشکل آتیٹی ودکی نا سوب جوڑ مننگ ءُ ، نسخان نا زموار آتا تعین ءِ کننگ بھاز المی ءِ تانکہ اوناتوننگ کن گام گیج کننگ مرے، نجکاری نا عمل نا شفافیت ءِ پک کننگے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ نگران وزیراعظم انوارالحق کاکڑ نا کماشی ٹی پی آئی اے نا بابت بڑزکو کہولی دیوان اس اڈ ہلک۔ دیوان اٹی نگران بنجائی وزیر نجکاری فواد حسن فواد، سلاہکار وزیراعظم احدخان چیمہ تعلقدار بڑزکو کمامدارآک بشخ ہلکر۔ دیوان ءِ پاکستان انٹرنیشنل ایئرلائنز نا مالی حالیت ونجکاری نا عمل نا پیش رفت آن معلومدار کننگا۔ دیوان ءِ پاننگاکہ پی آئی اے نا نجکاری ٹی بروک غٹ اڑاند آتے اینک کننگانے۔ وزیراعظم پی آئی اے نا باندات آتیا فیصلہ سازی ٹی تاخیر آ گڑتی نا درشانی ءِ کرے۔ وزیراعظم پارت کرے کہ قومی ایئرلائن نا نجکاری نا عمل ءِ شفاف و ترند کننگے تانکہ ملکی خزانہ ءِ پین نسخان آن بچفنگ مرے۔ وزیراعظم پارے کہ ملک زرگزرانی مشکل آتا گواچی ءِ و قومی ادارہ غاتا نسخان دا مشکل آتیٹی ودکی نا سوب جوڑ مننگ ءُ، الس نا خراج آتیان دا ادارہ غاتانسخان ءِ پورو کننگ پین ممکن اف، پی آئی اے و نسخان نا گواچی ایلو سرکاری ادارہ غاتا نجکاری نا عمل ءِ پین ترند کننگے۔ اوپراے کہ ہوابازی بشخ انا اصلاحات آن الس ءِ گچین سفری آسراتی فراوان کننگ مریک۔ نسخان نا زموار آتا تعین ءِ کننگ بھاز المی ءِ تانکہ اونا توننگ کن گام گیج کننگ مرے۔ وزیراعظم پارے کہ نجکاری نا عمل ءِ پک کننگے۔
