صدر ڈاکٹر عارف علوی نا نگران وزیراعظم، وزیر، سینیٹر ، صدر ووزیراعظم آزاد کشمیر ، ہر چار آ گورنر و وزیراعلیٰ تے چٹھی اس ، سینہ نا  کینسر آ آگاہی کن کمکاری، اکتوبر اٹی گلابی ربن اس بِیننگ نا خواست

اسلام آباد۔ 11 اکتوبر (اے پی پی) صدر مملکت ڈاکٹر عارف علوی نگران وزیراعظم ، وزیر، سینیٹر ، صدر و وزیراعظم آزاد جموں و کشمیر، ہر چار آ صوبہ غاتاگورنر ووزیراعلیٰ تے چٹھی اس مون تسنے ہراٹی سینہ نا کینسر آ آگاہی کن کمک واکتوبر اٹی گلابی ربن اس بیننگ نا خواست کرینے۔ ایوان صدر نا پریس ونگ انا رداٹ چٹھی ٹی صدر مملکت ڈاکٹر عارف علوی پارے کہ سینہ نا کینسر آ آگاہی ودی کننگ اٹ نماکمک خاطرخواہ اثراس شاغنگ کیک، پاکستان اٹی سینہ نا کینسر نا سوب آن ہر سال 40ہزار مرک مریک۔ پاکستان اٹی سینہ نا کینسر نا سوب آن مرک آتا کچ مچ آ ایشیاٹی غٹ آن زیات ءِ۔ اوپارے کہ زیات مرک آتا کچ انا سوب مرض انا ہرےآ سماتمنگ ءِ، تینا معائنہ ءِ تینٹ کننگ نا بارواٹی آگاہی آن چندی جون تے بچفنگ مریک اکتوبر نا تُو ہرسال سینہ نا کینسر نا بارواٹی آگاہی ودی کننگ کن اڈتننگک، دا تُو بریسٹ کینسر آآگاہی ودی کرسا نن اسہ جان جوڑ و باخبر راج اسے نا ٹہیفنگ اٹ تینا کڑد ءِ ادا کننگ کینہ۔