اسلام آباد۔ 11 اکتوبر (اے پی پی) نگران وزیربنجائی تعلیم مدد علی سندھی پارینے کہ نگران حکومت ملک اٹی تعلیم نا گچینی کن ہرممکن گام گیج کیک۔ اوچارشنبے نادے آ قومی نصابی سروکی دیوان نا بنائی دیوان آن تران کریکہ۔ داسمٹ نا بست وبند ءِ وزارت بنجائی تعلیم و کسبی تربیت وزارت ڈٹ بندی، شونداری و خصوصی گام گیج آتا کمک اٹ کریسس، ہراٹی مچ آ پاکستان آن ماہرین تعلیم بشخ ہلکر۔ سروکی دیوان اٹی سرکاری ، نجی، غیرسرکاری وشونداری بشخ آتا چاہندار تعلیم بشخ ہلکر۔ داوخت آ گپ وتران کرسا بنجائی وزیر تعلیم مددعلی سندھی بنجائی اکائی تا نیام اٹ ہم گرنچی کن این سی سی ن اکوشست آتا ستاءِ کرے۔ اوپاکستان نا قومی نصاب (این سی پی) نا پورو مروک آ کاریم تیا است جمی نا درشانی ءِ کرے۔ بنجائی وزیر نصابی اصلاحات اٹی جہانی آب آتے مون آدرسا قوم انا غٹ چناتیکن آب اٹ تعلیم نا مسخت ءِ برقرار تخنگ کن صوبائی حکومت آتا سٹیک ہولڈر آتا کڑد انا ستاءِ کرے۔
