اسلام آباد۔ 11 اکتوبر (اے پی پی) نگران بنجائی وزیر خزانہ، محصولات و اقتصادی امور ڈاکٹر شمشاد اختر چارشنبے نادے آ مراکش نا سینٹرل بینک انا گورنر تون اوڑدہی کرے۔ ترجمان وزارت خزانہ نا رداٹ ڈاکٹر شمشاد اختر جہانی مالیاتی فنڈ و جہانی بینک انا سالانہ دیوان تیٹی بشخ ہلنگ کن مراکش نا سرکاری دورہ غاٹی ءِ و مراکش اٹی سینٹرل بینک انا گورنر تون اوڑدہی ہنداچرجوئی نا کڑی ءِ۔ اوڑدہی ٹی مالی و اقتصادی امور آ گپ وتران کننگا و دا بشخ آتیٹی کمکاری نا بابت امور نا سرجمی اٹ جاچ ءِ ہلنگا۔ فریق آک تین پہ تینی است خواہی نا امور و جہانی مالیاتی شریدار آتا اہمیت آن امنا کریر۔ وزیرخزانہ دادورہ ٹی جہانی بینک و جہانی مالیاتی فنڈ انا دیوان تیٹی بشخ ہلنگ آن بیدس داادارہ غاتا بڑزکو عہدیدار آتون اوڑدہی ہم کیک۔
