کراچی۔ 11 اکتوبر (اے پی پی) پاکستان پیپلزپارٹی نا چیئرمین بلاول بھٹو زرداری قومی کرکٹ ٹیم ءِ سری لنکا نا برخلاف میچ اٹی سرسہبی آ مبارکبادی تس۔ میڈیا سیل بلاول ہاؤس نا کنڈآن جاری بیان نا رداٹ بلاول بھٹو زرداری پارے کہ عبداللہ شفیق و محمد رضوان نا کنڈآن بھلا ہدف نا تعاقب اٹ گچین گوازی اس نشان تننگ ستاکڑزک۔ اوپارے کہ ورلڈ کپ مقابلہ غاتا تاریخ نا غٹ آن بھلا ہدف نا تعاقب ءِ کرسا قومی کرکٹ ٹیم پک کرے کہ او پانسہ ءِ چپی کننگ کن بھارت آ بسنو۔ بلاول بھٹو زرداری پارے کہ گرین شرٹ آتون مچ آ قوم انا دعاک ءُ۔ اوپارے کہ انشاء اللہ پاکستان نا گوازی گرآک بھارت آن کٹسا بریرہ۔
