فیصل آباد۔ 11 اکتوبر (اے پی پی) وزیراعظم نا سلاہکار انسانی حق و بہبود زالبول مشال حسین ملک پارینے کہ انسانی جون تیان نہادی ہچ ءُ گڑاس اف و نئے امن نا مطلب پسپائی یا دستبراری ءِ ہنداسوب آن دنیا داوخت آ ہراحالیت آتا گواچی ءِ اوفتے ٹی غٹ ءِ دانشمندی نا درشانی ءِ کروئی مریک، جہانی امن کن مظلوم آتون تفنگ و ایلمی نا فضاءِ مون آدروئی مریک ۔ اوچارشنبے نادے آ جی سی یونیورسٹی نیوکیمپس فیصل آباد اٹی پسماندہ تپہ و اقلیت آتیکن امن ءِ مون آ درسا یکجہتی ودی کننگ نا سرحال آن اڈ ہلوک دود آن تران کریکہ۔ اوپارے کہ زالبول آتا کچ 54 درسد ءِ ہنداسوب آن غٹ ادارہ غاتے زالبول آتے تعلیم نا اسہ وڑ وارخواہی فراوان کننگے و رنگ و نسل، ہزگار و نیزگار نا نیام اٹ ہچءُ پرخ اس بایدے مف۔ اوپارے کہ باصلاحیت مخلوق بایدے مون آ برے انتئے کہ ہراتم باصلاحیت مخلوق مون آ بریک تو شونداری نا مزل آ تا زینہ طے مرسا کیک۔ اوفلسطین و غزہ نا حالیت آتیا گڑتی نا درشانی ءِ کرسا پارے کہ دنیا ءِ اواری اٹ جہانی کانود نا بالادستی کاریم کروئی مریک۔
