اسلام آباد۔ 11 اکتوبر (اے پی پی) اسپیکر قومی اسمبلی راجہ پرویز اشرف جمعیت علمائے اسلام (ف) انا سروک مولانا فضل الرحمان نا بلغڑ نا کزیت آ ہڑزخواہی نا درشانی ءِ کرینے۔ چارشنبے نادے آ تینا ہڑزخواہی کلہو اٹی او مولانا فضل الرحمان نا بلغڑ و مسکوہی ممبر قومی اسمبلی شاہدہ اختر علی نا لمہ نا کزیت آ ڈکھیائی و است ہسونی نا درشانی ءِ کرینے و مولانا فضل الرحمان و خاہوت تون ہڑزخواہی کرے۔ اوپارے کہ غم و ڈکھیائی ناداساہت اٹی پدسلوک خاہوت نا غم اٹی بریبرنا شریک اُن۔ اوایماندار نا درجہ غاتا بڑزی و پدسلوک آخاہوت آتیکن صبر وجمیل نا دعاکرے۔
