باکو۔ 10 اکتوبر (اے پی پی) نگران وزیرخارجہ جلیل عباس جیلانی ترکیہ نا وزیرخارجہ ہاکان فیدان تون سے شنبے نادے آ آذربائیجان نا شار شوساٹی اقتصادی کمکار تنظیم (ای سی او ) نا 27 می وزراء خارجہ کونسل نا دیوان نا وخت آ اوڑدہی کرے۔ دفترخارجہ نا رداٹ اوڑدہی ٹی ہڑتوم آ وزیرخارجہ غاک ایلمی تعلقداری تے پین ودفنگ کن کوشست آتے برجاتخنگ آ امنا کریر۔ اوسٹریٹجک شریداری نا غٹ نا غٹ پلوآتا جاچ ءِ ہلکر و غٹ بنداوی ویل آتیا ثابت قدم مخ تفی نا درشانی ءِ کرے۔ وزراء خارجہ واپار ، زرکاری، دفاع، تعلیم، دودوربیدہ ، کشت وکشار و سائنس و ٹیکنالوجی نا بشخ آتیٹی ہمہ جہتی کمکاری ءِ پین سوگو و گہرا کننگ نا عزم انا درشانی ءِ کریر۔
