اسلام آباد۔ 10 اکتوبر (اے پی پی) نگران وزیراعظم انوارالحق کاکڑ اسہ دے ئی دورہ غا کوئٹہ غا سرمس۔ سے شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ کوئٹہ انٹرنیشنل بالی پٹ آ گورنر بلوچستان ملک عبدالولی کاکڑ، نگران وزیراعلیٰ بلوچستان میر علی مردان خان ڈومکی، نگران بنجائی وزیر داخلہ میر سرفراز بگٹی ئسک اودے بخیرکریر۔ داوخت آ چیف سیکرٹری بلوچستان شکیل قادر خان و آئی جی پولیس بلوچستان عبدالخالق شیخ ئسک ہم ساڑی ئسر۔ نگران وزیراعظم تینا دورہ ٹی صوبہ بلوچستان اٹی نیشنل ایکشن پلان نا نفاذ نا ساڑی آ حالیت آتا بابت اڈہلوک بلوچستان اپیکس کمیٹی نا 14 می دیوان اٹ خصوصی بشخ ہلیک۔ وزیراعظم بلوچستان نا نگران صوبائی سرکڑدہ غاتون اوڑدہی ہم کیک۔
