راولپنڈی۔ 10 اکتوبر (اے پی پی) بلوچستان نا علاقہ ژوب اٹی دہشت گرد آتون اسہ ایلو آ سم کاری ٹی شہید مروک آ میجر رضا علی شاہ و حوالدار نثار احمد نا نماز جنازہ ءِ فوجی اعزاز اتون اوفتا باوہ پیرہ ئی آ علاقہ غاتیٹی خواننگا۔ آئی ایس پی آر نا رداٹ میجر رضاعلی شہید نا نماز جنازہ ءِ پورو فوجی اعزازاتون باوہ پیرہ ئی آ علاقہ سرگودھاٹی خواننگا۔ نماز جنازہ ٹی شہید انا خاہوت ، عزیز و قریب، پاک فوج انا آفیسر آک ، علاقہ نا سرکڑدہ و مخلوق نا بھلو کچ اس بشخ ہلکر۔ حوالدار نثار احمد نا نماز جنازہ ءِ اونا باوہ پیرہ ئی آ علاقہ وہاڑی ٹی خواننگا ہراٹی خاہوت، عزیز و قریب، پاک فوج انا آفیسر و علاقہ نا سرکڑدہ غاک بشخ ہلکر۔ آئی ایس پی آر نا پاننگ ءِ کہ پاک فوج انا نرزور ورناتا دا قربانی دہشت گردی نا برخلاف جنگ اٹ ننا عزم ءِ پین سوگو کیک۔ لمہ وطن آن دہشت گردی نا ناسور نا چٹفنگ اسکان ننا دا جنگ برجاسلک۔
