باکو۔ 10 اکتوبر (اے پی پی) اقتصادی کمکار تنظیم (ای سی او) نا باسک ملک آتا وزراء نا کونسل نا 27 می دیوان سے شنبے نادے آ آذربائیجان نا مہمانداری ٹی بناکرے۔ داکان مست اقتصادی کمکار تنظیم (ای سی او ) نا باسک ملک آتا بڑزکو کہول انا عہدیدار آتا دیوان اس اڈہلک، آذربائیجان نا نائب وزیرخارجہ یالچین رفائیف نا کماشی ٹی دیوان اٹی اقتصادی کمکار تنظیم نا آذربائیجان ناشار شوشا ٹی اڈ ہلوک آ ای سی او نا وزراء کونسل نا 27 می دیوان نا ایجنڈا غا گپ وتران کننگا۔ نگران وزیر خارجہ جلیل عباس جیلانی آذربائیجان اٹی مروک آ وزراء نا کونسل نا دیوان اٹی پاکستان نا نمائندگی ءِ کننگ ءِ۔ دیوان اٹی آذربائیجان نا وزیرخارجہ جیہون بیراموف و پاکستان تون اوار اقتصادی کمکار تنظیم نا باسک ملک آتا وزراء خارجہ دیوان اٹی بشخ ہلنگ ءُ۔ وزیرخارجہ جلیل عباس جیلانی کونسل آف منسٹرز(سی او ایم ) نا دیوان نا وخت آ باکس ملک آتا وزیر و ایلو اہم شخصیت آتون ہڑتوم آ کنڈآتا اوڑدہی ہم کیک۔ اقتصادی کمکار تنظیم اٹ پاکستان و آذربائیجان آن بیدس ترکی، ایران، اوغانستان، قزاخستان، کرغزستان، تاجکستان، ترکمانستان و ازبکستان اوار ءُ۔
