اسلام آباد ۔ 10 اکتوبر (اے پی پی) مسکوہی وزیر امور کشمیر چوہدری برجیس طاہر پارینے کہ میاں نواز شریف 21 اکتوبر آ وطن آپدی بننگ ءِ، میاں نواز شریف ءِ دروغ انا کیس اٹ سزاتننگا، نواز شریف پاکستان نا شونداری نا ارٹ میکو پن ءِ۔ سے شنبے نادے آ مسلم لیگ ن آزاد کشمیر نا راہشون آتون اوار پریس کانفرنس آن تران کرسا پارے کہ نواز شریف نا برخلاف مہم چلیفوک آ اینو تینٹ امناکننگ ءُ کہ نواز شریف ءِ ناکردہ گناہ تا سزا تننگا، نواز شریف اقتدار اٹ برسا لوڈشیڈنگ و دہشت گردی ءِ چٹفے، پاکستان نا ہچ ءُ سرکڑدہ اس اف ہرا نواز شریف نا نعم البدل مرے، پاکستان و آزاد کشمیر نا مخلوق میاں نواز شریف نا پبی استقبال ءِ کننگ خوارہ، مخلوق سمجھک کہ نواز شریف داسہ اف تو نواز ولدا اسُل اف۔ مسلم لیگ ن آزاد کشمیر اٹ بے شمار ڈٹ آتا بناِ ءِ کرے۔ چوہدری برجیس طاہر پارے کہ 3 سال اٹی پاکستان 20 ہزار ارب وام ہلک، نواز شریف نا دور اٹی ڈالر 100 روپئی نا ئس۔ نواز شریف نا دور اٹی بورہ و نت اڑزان ئس، نواز شریف بریک تو 2017 نا ڈٹ آتا بناءِ کینہ۔
