اسلام آباد۔ 10 اکتوبر (اے پی پی) چیف الیکشن کمشنر نا کماشی ٹی 5 باسکی کمیشن پی ٹی آئی آن گچین کاری نشان ’’بلا‘‘ پدی ہلنگ نا بابت کیس انا سماعت ءِ کرے۔ سے شنبے نادے آ پاکستان تحریک انصاف (پی ٹی آئی) آن گچین کاری نشان بلا ءِ پدی ہلنگ نا بابت کیس انا سماعت کرے۔ استحکام پاکستان پارٹی نا راہشون عون چوہدری نا وکیل پیش مس و موقف اختیار کرے کہ پی ٹی آئی ءِ بلانا نشان تننگپ۔چیف الیکشن کمشنر پارے کہ پی ٹی آئی ءِ مہالو آن بلانانشان تننگانے۔ وکیل آک پاریر کہ او مہالو ئس بروک آ لس گچین کاری تیٹی نشان تننگپ، الیکشن کمیشن اٹی مہالوآن دا نشان نا بابت کیس زیرسماعت ءِ۔ الیکشن کمیشن پارے کہ ننا درخواستءِ دا کیس اتون منسلک کے، الیکشن کمیشن فیصلہ ءِ ڈک کرے۔
