اسلام آباد۔ 10 اکتوبر (اے پی پی) نگران بنجائی وزیرحوالکاری و شینکاری مرتضیٰ سولنگی پارینے کہ پرامن و سازگار چاگڑد اٹ ساف، شفاف و بے کنڈ ہلوک گچین کاری تے پک کینہ۔ داہیت ءِ او سے شنبے نادے آ مسکوہی باسک بلوچستان اسمبلی ، مسکوہی ترجمان بلوچستان حکومت و سینئر سیاستدان فرح عظیم شاہ تون اوڑدہی ٹی گپ وتران کرساپارے۔ اوڑدہی ٹی گچین کاری تتون اوار بلوچستان نا سیاسی حالیت آتیا گپ وتران مس۔ مرتضیٰ سولنگی پارے کہ پرامن و سازگار چاگڑد اٹ ساف، شفاف و بے کنڈ ہلوک گچین کاری تے پک کینہ۔ اوپارے کہ بلوچستان نا شونداری و راجی آسودہی نگران حکومت نا زمواری ءِ، بلوچستان نا شونداری آن بدیس پاکستان نا شونداری بے پورو ءِ۔ فرح عظیم شاہ نگران وزیراعظم انوارالحق کاکڑنا کماشی و گام گیج آتیا پورو یخین نا درشانی ءِ کرے و نگران حکومت نا زرگزرانی و انتطامی پالیسی تا ستاءِ کرے۔
