کوئٹہ۔ 10 اکتوبر (اے پی پی)سیاسی و راجی راہشون و مسکوہی وزیراعلیٰ بلوچستان نا کوآرڈی نیٹر زرک خان مندوخیل ژوب اٹی دہشت گرد آتا برخلاف آپریشن اٹی پنچ دہشت گرد آتے خلنگ آ سیکورٹی فورس آتا کارندہ غاتا کارروائی نا ستاءِ کرینے و جام شہادت نوش کروک آ 2 سیکورٹی کارندہ غاتے خراج عقیدت پیش کرسا پارینے کہ الس نا رکھ اکن جون تے ندر کروک آ کارندہ غاک ننا پیشانی ناجھومرءُ ۔ داڑے جاری مروک اسہ بیان اسے ٹی زرک خان مندوخیل پارے کہ ننا سیکورٹی فورس آک ملک و قوم انا رکھ و امن کن بے مٹ قربانی تسنوہرا تاریخ اٹ مدام روشنا لوز آتیٹی یات تخنگک۔ اوپارے کہ ملک آن دہش گرد آتا چٹفنگ و الس نا رکھ اکن پاک فوج و ایلو سیکورٹی ادارہ غاتا کارندہ غاک تینا جون تا پرواہ ءِ کننگ آن بیدس دہشت گرد آتا برخلاف برسرپیکار ءُ سیکورٹی فورس آتا شہید آک ننا پیشانی نا جھومرآک ءُ اوفتا قربانی زیان مفک، و انشاء اللہ زوت ملک آن دہشت گردآتے چٹفنگک و امن و ایمنی مریک ۔ اودہشت گرد آتون مقابلہ ٹی شہید مروک آ سیکورٹی فورس آتا کارندہ غاتا درجہ غاتا بڑزی کن دعاکرسا غمزدہ خاہوت آتون ہڑزخواہی و ہمدردی نا درشانی ءِ کرینے۔
