کوئٹہ۔ 10 اکتوبر (اے پی پی)چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ پاکستان و چین ہڑتوم آ کنڈآتا سی پیک پروجیکٹ اٹ مسٹ میکو ملک ءِ اوار کننگ آامنا کرینو ، پاکستان وچین ہڑتوم آک چین پاکستان اقتصادی راہداری ڈٹ آتیٹی اوغانستان ءِ ہم اوار کننگ خوارہ دااسہ بھلو پیش رفت اسے دا فیصلہ نا بےکچ اہم و بھلو اثراس تمک ڈیہہ اٹی شونداری نا رفتار اٹ خاطرخواہ ودکی مریک۔ داڑے جاری مروک اسہ بیان اسے ٹی سینیٹر عبدالقادر پارینے کہ چین و پاکستان نا نیام اٹ ڈیجیٹل ، گرین و ہیلتھ کوریڈور آک ملوک ءُ داکان بیدس سائنس، ٹیکنالوجی و آئی ٹی ٹی ہم مون آ بننگ ءِ آرٹیفیشل انٹیلی جنس آنبار چین ایلو پوسکن آ ٹیکنالوجی تیٹی بے کچ مہارت تخک دا مہارت آتیٹی ای کامرس ہم اوار ءِ ہراڑکن اسیجائی ورکنگ گروپ اس جوڑ کننگانے ، ٹرانسپورٹ نا بشخ اٹی لاہور اورنج ٹرین اسہ نمان ڈٹ اسے نا وڑاٹ تینا جتا ءُ شناخت اس تخک۔ اوپارے کہ ڈیہہ انا شوندای و شونہالی ڈیہہ انا ملک آتے اوار دننگ اٹ ہی ءِ اسہ ملک اسے محروم سلنگ آن مچ آ ڈیہہ انا شونہالی زہمی مریک، بے روزگاری ڈوہ و دہشت گردی ءِ ودی کیک اگہ ڈیہہ ءِ شون ہلوئی ءِ تو اوغان قوم ءِ اوٹی اوار کروئی مریک ہنداسوب آن چین اوغانستان اٹی تینا سفیر تعینات کرینے تانکہ اوغانستان ءِ جتا تخنگ نا جاگہ غا شونہالی نا سفر اٹ اوار دننگے چین اوغانستان اٹ ہمووخت آ شونداری ڈٹ آتا بناءِ کرے ہراتم مچ آ دنیا اوغانستان آن تینا ناتہ ءِ پرغاسر۔ چیئرمین قائمہ کمیٹی پارے کہ پاکستان درملکی غیرکانودی پردیسی تا پدی ءِ پک کننگ آن پد اقتصادی وڑاٹ سوگوی نا کنڈآ ہنسا نظر بریک پردیسی تا پدی ہِننگ نا فیصلہ نا اسُل دا مطلب اف کہ پاکستان اوغانستان تون تعلقداری تے پرغنگ ءِ پردیسی تا واپسی پاکستان نا انتظامی فیصلہ ءِ ہرملک ءِ حق دوئی ءِ کہ او تینا انتظامی فیصلہ تینا ملکی فائدہ غاتے مون آ تخسا دافیصلہ نا رداٹ پاکستان و اوغانستان ہڑتوم آک تعلقداری تے بایدے مون آ دیر تانکہ سی پیک نا بھرم تیان فائدہ ہرفنگ مرے۔
