کوئٹہ۔ 10 اکتوبر(اے پی پی)مرجانزئی تمبیل مش اٹی جنگل آتے لگوک آ خاخر نامسہ دے آن پد مون ءِ توننگا ، ضلعی انتظامیہ لیویز پی ڈی ایم اے محکمہ جنگلات نا ٹیمک بشخ ہلکر، نہادی جنگلات آتے بچفنگ و رکھ اکن ہرممکن گام گیج کینہ، ڈپٹی کمشنر فیاض علی نا زہمی مش انا دورہ ءِ کننگ نا وخت آ گپ وتران، سرجم حوال آتا رداٹ دکی نا علاقہ لونی مرجانزئی تمبیل مش اٹی جنگل آتے مسہ دے آن لگوک آ خاخر نا مون ءِ تورے ڈپٹی کمشنر دکی فیاض علی تینٹ زہمی مش آ ہنا آپریشن نا جاچ ءِ ہلک مسہ دے آپریشن نا اسسٹنٹ کمشنر دکی ظہور احمد بلوچ اسسٹنٹ کمشنر لونی بیبرگ، لہڑی نائب رسالدار ستارخان لونی نائب رسالدار راحت اللہ زرکون وایلوآفیسر آتا چاروکی ٹی لیویز کارندہ پی ڈی ایم و محکمہ جنگلات ناکارندہ غاک مسہ دے آن پد خاخر نا مون ءِ تورسا نہادی جنگل آتے بھلو نسخان اسے آن بچفیر وخت اس کہ خاخر نا پورو چٹنگ اسکان پی ڈی ایم اے و جنگلات کارندہ غاک آپریشن ءِ برجاتخرہ ڈپٹی کمشنر فیاض علی پارے کہ جنگلات ننا نہادی میرات ءِ ہرانا رکھ ننا غٹ انا زمواری ءِ تمبیل مش اٹ لگوک آ خاخر نا مون ءِ توننگ آ لیویز آفیسر و کارندہ غاک پی ڈی ایم اے ٹیم و محکمہ جنگلات کارندہ غاتے سرسہب آپریشن آ خراج تحسین پیش کیوہ اوپارے کہ جنگلات علاقہ نا حسن چاگڑدی کچٹی ٹی کارآمد جوڑ مریک الس جنگل آتا گڈنگ آن پانادکے۔
