اسلام آباد۔9اکتوبر (اے پی پی):پاک فوج ءَ مزنیں کساس ءَ بلوچ ورنا است انت ایش وھد ءِ گوما گیش بوھان اَنت، ایشی ءَ چہ آوانی وطن ءَ گوں بے کساس دوستیءُ واھگ دارگ سہرا بیت، بلوچستان ءِ الس آنی وطن ءَ گوں دوستی ءُ مہر مدام بے درور بوتگ۔ اردی ندکار آنی رد ءَ بلوچستان وتی بے مٹ ءُ بے دروریں دود ءُ ربیدگ ءُابرمی جلواناکی ءَ گوں یک ڈولداریں صوبگ ات ، آھودے نندوکیں مردم گوں بازیں جیڈھ ءُ جنجال آنی گوما دیم پہ دیم بوتگ انت بلے حکومتی ءُ اردی سروک آنی کوشست ءِ سبب ءَ بلوچستان نوں دیمروئی ءِ کشک ءَ رھادگ انت۔ اے رد ءَ لستیں ملک دژمن بلوچستان ءِ دیمروئی ءَ پینگ جنگ ءِ کوشست ءَ اَنت۔ ملک دژمن ایجنٹ دورگ ءُ پروپیگنڈا آنی وسیلگ ءَ بلوچ الس ءَ را زبھر ءُ ھمزور پیش دارگ ءِ کوشست ءَ گوں دزگٹ اَنت۔ ھندی حکومت آنی نیمگ ءَ بلوچستان ورنا آناں سیکورٹی فورسز آنی تہءَ بھرتی کنگ ءِ واستہ گامگیج کنگ بوھگ ءَ انت۔ مرچی ارد ءِ سروک آنی تہءَ بلوچ ورنا آنی گیش بوھوکیں واھگ ملک دژمن آنی دیم ءَ یک شہمات اِت۔ اردی ھال رسانکی در آنی رد ءَ بلوچ ورنا آناں زرئی، بالی، سردگاری، لیویز، پولیس ءُ کاؤنٹر ٹیررازم ءِ محکمہ ءَ ھوار کنگ ترجی داتگیں بنیات ءَ کنگ بوھگ ءَ انت۔ انوں زوتاں 8 اگست 2023 ءَ لورالائی سیکٹر ءَ 67 پاسنگ آؤٹ کامیاتیءَ گوں برجم دارگ بوتگ۔ 2021 ءَ بگر تاں انوگ ءَ 4804 بلوچ ورنا ایف سی بلوچستان ءَ ھوار بوتگ انت۔ اپریل 2023 ءَ 147 یک سد ءُ چیل ءُ ھپتمی پی ایم اے لانگ کورس ءِ گوما بلوچ ورنا آنی 45 کیڈٹس آں گریجویٹ کتگ۔ بلوچ نودربر آنی گوما تران کنان ءَ اے سہرا بوتگ کہ فوج ءَ ھوار بوھگ اولی ترجی آوانی۔ بلوچ کیڈٹس آنی گوشگ انت کہ آئی ءَ ملک ءُ راج ءِ ازمت ءِ واستہ فوج ءَ ھوار بوتگ انت۔ پاک فوج ءِ وسیلگ ءَ ملک ءِ ازمت کنگ لوٹاں۔ دمگ ءِ نندوکیں مردم ءُ بلوچ کیدٹس آنی پت ءُ مات آنی گوما ھیال آنی درشان ءَ کنان ءَ گوشتگ کہ حکومت ءِ پاکستان ءَ بلوچستان ءَ کیڈٹ کالج ءِ جوڑ کنگ ءَ چہ جوانیں زانت ءُ زانش ءِ ھیل کنگ ءِ موہ پجاری کتگ۔ بلوچ ورنا آنی واستہ وانگ ءُ زانگی میرٹ ءُ امبر ءِ کچ ءُ کساس ھم گیشینتگ۔ اردی ندکاریں کلانہ آنی گوشگ انت کہ پاکستان ءِ سلاھ بندیں ارد ءَ توامیں نیک راھ آں گوں سیادی داروکیں مردم آں ھوار چاگرد ءِ توامیں تبک ءِ مردم آنی ھواری ءَ چہ ملکی دیمپانی ءَ را گیش مھکم تر جوڑ کنگ ءَ کم رسیت۔
