اسلام آباد ۔ 09 اکتوبر (اے پی پی) نگران وزیراعظم انوارالحق کاکڑ پارینے کہ ملکی خزانہ ءِ پین نسخان آن بچفنگ کن نسخان نا گواچی قومی ملکیتی ادارہ غاتا دمدستی نجکاری المی ءِ۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ نگران وزیراعظم انوارالحق کاکڑ تون نگران بنجائی وزیر نجکاری فواد حسن فواد اوڑدہی کرے۔ اوڑدہی تی وزیر نجکاری وزیراعظم ءِ نسخان نا گواچی قومی ملکیتی ادارہ غاتا نجکاری نا عمل آ پیش رفت آن معلومدار کرے۔ وزیراعظم نسخان نا گواچی قومی ملکیتی ادارہ (ایس اوایز) نا نجکاری نا عملءِ ترند کننگ نا پارت جاری کرے۔ وزیراعظم پارے کہ ملکی خزانہءِ پین نسخان آن بچفنگ کن نسخان نا گواچی ادارہ (ایس اوایز) نا دمدستی نجکاری المی ءِ، داہیت اٹ خصوصی زرکاری سہولت کونسل نا کڑد ستاکڑزک۔

متعلقہ مضامینمصنف کی طرف سے مزید