اسلام آباد۔ 09 اکتوبر (اے پی پی) نگران وزیراعظم انوارالحق کاکڑ تون پوسکن تعینات مروک چیف آف نیول اسٹاف ایڈمرل نوید اشرف اوڑدہی کرے و پاک بحریہ نا بابت کسبی امور آ ہم گپ وتران کرے۔ دوشنبے نادے آوزیراعظم آفس نا میڈیا ونگ آن جاری کروک بیان نا رداٹ نگران وزیراعظم انوارالحق کاکڑ تون پوسکن تعینات مروک چیف آف نیول اسٹاف ایڈمرل نوید اشرف اوڑدہی کرے۔ وزیراعظم ایڈمرل نوید اشرف ءِ پاک بحریہ نا کمان ءِ سنبھالنگ آمبارکبادی تس و نیک است خواہی نا درشانی ءِ کرے۔ وزیراعظم پارے کہ اومیت ءِ ناکماشی ٹی پاک بحریہ ملکی دفاع ٹی تینا فعال کڑد ءِ ادا کرساکیک۔ اوڑدہی ٹی پاک بحریہ نا بابت کسبی امور آہم گپ وتران کننگا۔
