اسلام آباد۔ 09 اکتوبر (اے پی پی) نگران وزیراعظم انوارالحق کاکڑ اوغانستان نا شار ہرات اٹی بروک آ بھسکار زمی جمب آن نہادی جون تا زیان آ ڈکھیائی واست ہسونی نا درشانی ءِ کرسا این ڈی ایم اے ءِ زمی جمب زہمی تیکن دمدستی امداد روانہ کننگ نا پارت کرینے۔ دوشنبے نادے آ تینا ٹویٹ اٹی نگران وزیراعظم پارے کہ ننا است زہمی خاہوت آتیکن غمزدہ ءِ۔ اوپارے کہ نن دا مشکل ساہت اٹ اوغان تتون سلوک اُن۔ وزیراعظم پارے کہ اواین ڈی ایم اے ءِ پارت کرینے کہ زہمی بندغ آتے زیات آن زیات امداد گدریفر ۔ اوغان حکومت خصوصی وڑاٹ میڈیکل ٹیم، فیلڈ ہسپتال، 50 تمبو و 500 کمبل گدریفنگ نا خواست کرینے۔ وزیراعظم نا پارت آتیا غٹ درخواست کروک گڑاتے اینو کمکی گڑاتتون گدریفنگ انگ ءِ۔
