اسلام آباد۔ 09 اکتوبر (اے پی پی) اسپیکر قومی اسمبلی راجہ پرویز اشرف قومی اسمبلی نا شعبہ سیکورٹی نا ڈپٹی سارجنٹ ایٹ آرمز طارق جمیل نا اناگت کزیت آ ڈکھیائی و است ہسونی نا درشانی ءِ کرینے۔ قومی اسمبلی سیکرٹریٹ آن جاری بیان نا رداٹ اسپیکر طارق جمیل نا خاہوت نا پن ہڑزخواہی کلہو اٹی طارق جمیل نا اناگت کزیت ءِ اونا خاہوت کن اسہ بھلو سانحہ اس گوندانے۔ اوپارے کہ طارق جمیل اسہ فرض شناس ءُ آفیسر اس ئسک اونا کزیت آن ودی مروک آ خورکی تادیر پُرمننگ کپک۔ اوپارے کہ غم و ڈکھیائی نا مشکل ساہت اٹی پدسلوک آ خاہوت نا ڈکھیائی و غم اٹی بریبرنا شریک اُٹ۔ اسپیکر پدسلوک خاہوت تون ہڑزخواہی، ہمدردی و یکجہتی نا درشانی ءِ کرے۔ اوپارے کہ طارق جمیل نا کزیت اونا خاہوت کن بھلو صدمہ و بے بدل نسخان اسے ہرادے مد آتے اٹ پورو کننگ مفک۔ اسپیکر اللہ تعالیٰ آن ایماندار نا درجہ غاتا بڑزی و پدسلوک آ خاہوت ءِ دا بے بدل نسخان ءِ سگنگ کن صبر وجمیل عطاکننگ نا دعاکرے۔
