لاہور۔ 09 اکتوبر (اے پی پی) وزیراعظم نا خصوصی کمکار انسانی حق مشعال ملک پارینے کہ مودی حکومت مچ آ دنیا نا امن ءِ بھس کننگ اٹ لگوک ءِ، کشمیر و فلسطین نا ویل انا پائیدار ایسری آن بیدس دنیا ٹی امن اسہ تغ اسے، علامہ قبال نا فکر اتون روحانی تعلق ءِ ، مذہبی ہم آہنگی ءِ دنیا ٹی مون آ دننگ وخت انا اہم ءُ گرج اسے ، ہمووخت مر اف ہراتم کشمیر و فلسطین آزاد مریرہ۔ داخیال آتا درشانی ءِ او دوشنبے نادے آ مزار اقبال آ حاضری آن پد میڈیا تون گپ وتران کرسا کرے۔ خصوصی کمکار پارےکہ بھارت انسانی حق انا بھلا خلاف ورزی تے کننگ ءِ، کشمیری قوم مدام سول سوسائٹی نا کنڈآن توار بڑز کننگ نا پارسا کرے، ننے خلوئی اف بھارت ءِ بے نقاب کروئی ءِ، پاکستانی حکومت و الس بھارتی ظلم انا گواچی غٹ مخلوق تون تفوک ءِ۔ مشعال ملک پارےکہ علامہ اقبال نا مزار آ حاضری نا مسخت اونا فکر اتون روحانی تعلق ءِ، علامہ اقبال خودی نا مسخت قوم ءِ کرے و بانگ دراٹی شاہین نا درس تس۔ کشمیر مرے یا فلسطین ہڑتوم آ قوم تا ہیت ءِ تینا شاعری ٹی کرے، کشمیری تا جہد و فلسطین و کشمیر نا بارواٹی علامہ اقبال نا موقف ننا غٹ آ پیدوار ءِ، شاہین وخودی نا نظریہ فلسطین و کشمیر اٹی خننگک۔ خصوصی کمکار مشعال ملک پارے کہ ایسٹ انڈیا کمپنی ہراوڑمسلمان تا حق ءِ تورے اینو ہم ہمو ڈٹ انا رداٹ مودی حکومت اقلیت آتے شست کننگ ءِ، بھارت مچ آ دنیا ٹی دہشت گردی نا کینسر ءِ تالان کننگ ءِ و کشمیرنا آجوئی نا ہندی تحریک ءِ توننگ کن ہرچم ءِ کاریم اٹ اتنگ ءِ۔
