کوئٹہ۔ 09 اکتوبر (اے پی پی)ڈپٹی کمشنر ہرنائی محمد جاوید ڈومکی نا پارت آ ایڈیشنل ڈپٹی کمشنر ریونیو سعید احمد زہری ڈسٹرکٹ ہیڈکوارٹرلیویز تھانہ ہرنائی ، لیویز چوکی 5میل لیویز تھانہ، طور خان لیویز تھانہ و ڈیلکونہ نا دورہ ءِ کرے۔ روزنامچہ ، نفری و ڈیوٹی روسٹر ءِ چیک کرے۔ داوخت آ اولیویز کارندہ غاتے پارت جاری کرسا پارےکہ ضلع ٹی امن و ایمنی نا حالیت آتے برقرار تخنگ کن لیویز کارندہ چوکس سلر و کانود ءِ تینا دوٹی ہلوک آتیا سخت نظر تخر۔ ایڈیشنل ڈپٹی کمشنر سعید احمد زہری پارے کہ ضلعی انتظامیہ الس نا جان و مال انا رکھ اکن تینا غٹ وسیلہ غاتے کاریم اٹ اتنگ ءِ و داڑآ ہچ ءُ سمجھوتہ اس کپنہ۔ شرپسند آتے کانود تون مون تروئی تمک، اومستی پارے کہ لیویز فورس انا علاقائی امن وایمنی ٹی کڑد تاریخی وسفت نا قابل ءِ۔ لیویز کارندہ غاتا دا فرض مریک کہ چیکنگ اٹی کانود نا دنگ اٹ رہینگسا جوان ءُ وڑوڈول اس اختیار کیر۔ کس اسے بے سوب تنگ کننگپ ۔ فرض انا سرتننگ اٹ ڈیوالئی ءِ سگنگ پننگک۔
