کوئٹہ۔ 09 اکتوبر (اے پی پی)اوور سپیڈنگ کروک آ کوچ آتا برخلاف کانودی کارروائی کننگک ، کمپنی مالک آک تینا ڈیور آتے پارت کیر خلاف ورزی کننگ آ روڈ پرمنٹ ءِ منسوخ کننگک ، ضلعی انتظامیہ خضدار مسافر آتا جان نا رکھ و ٹریفک شکست آتا توننگ کن ٹریفک نظام اٹ پین گچینی خصوصی گام گیج کننگک ڈپٹی کمشنر خضدار محمد عارف زرکون غٹ سیکورٹی چیک پوسٹ آتے خصوصی پارت جاری کرینے۔ داپارت آتا رداٹ خضدارایریاٹی اوورسپیڈنگ کروک آتابرخلاف کارروائی کننگے و اوورسپیڈنگ جان لیواءُ کاریم اسے ہرادے ہرحال اٹ توروئی مریک، و شاری تا جان و مال انا رکھ ءِ پک کروئی ءِ ٹڑیفک کانود آ ہرحال اٹ عملدرآمد کرفنگے ، ٹریفک کانود نا خلاف ورزی و اوورسپیڈنگ اوورٹیک کروک آگاڈی تا برخلاف بے پرخ کارروائی کننگک۔ دانا رداٹ غٹ کوچ مالک آتے اطلاع تننگک کہ او تینا ڈیور آتے پابند کیر کہ او اوورسپیڈنگ کننگ آن پاناد کیر ایلودروشم اٹ اوفتا روٹ پرمٹ ءِ کینسل کرفسا سخت کانودی کارروائی کننگک۔
