کوئٹہ۔ 09 اکتوبر (اے پی پی)اسسٹنٹ کمشنر چھتر محمد اسماعیل مینگل ڈپٹی کمشنر نصیر آباد بتول اسدی نا پارت آ اسپیشل ہائی اسکول و شہید سہیل اسلم ہائی اسکول ڈیرہ مراد جمالی نا اناگت دورہ ءِ کرے چندی عادی غیرحاضر استاد آک تینا ڈیوٹی تیا الور ہراڑآ او ترندی نا درشانی ءِ کرسا محکمانہ کارروائی کننگ نا پرمان کرے، اواسکول آتیٹی سفائی ستھرائی و تعلیمی عمل نا ہم جاچ ءِ ہلک چناتا حاضری ، مون تروک ویل و اسکول آتا خستہ حالی نا بابت آگاہی ہم دوئی کرے، اسسٹنٹ کمشنر محمد اسماعیل مینگل پارے کہ استاد آتا غیرحاضری آ اسہ وڑنا سمجھوتہ ءِ ہم منپننگک، اوفتا تنخواہ تا کاٹ کننگ تون اوار اوار اوفتے شوکاز نوٹس ہم جاری کننگک، ننا مسخت ضلع نصیر آباد اٹی تعلیمی عمل اٹ پین گچینی اتنگ ءِ تعلیمی عمل اٹ اڑاند آتے سگنگ پننگک اوپارے کہ استاد آک چناتا تعلیم تون اوار اوار اوفتے سفائی ستھرائی نا بابت ہم رغامر تانکہ اوفتا داسی آن گچین وڑاٹ نشوونما مرے اسکول آتیٹی ڈسپلن نا ہم خاص خیال ءِ تخنگے چناتے پابند کننگے کہ او اسکول یونیفارم بینربریر، ہراویل آتا بابت آگاہی فراوان کننگانے اوفتا تدارک کن ضلعی انتظامیہ بڑزکوکمامدارآتے نوشتہی وڑاٹ آگاہی فراوان کیک تانکہ چنا و استاد آتے ہچ وڑنا سختی تتون مون تروئی تمپ۔
