اسلام آباد۔ 06 اکتوبر (اے پی پی) پاکستان نا چین ءِ گڑاو خذمت آتا برآمد آتیٹی برجامالی سال 2023-24نا اولیکو اِرا تُو اٹی تدوک آ سال انا ہندا مد انا مقابلہ ٹی 5.16 درسد ودکی ریکارڈ کننگا۔ اسٹیٹ بینک آف پاکستان نا کنڈآن جاری حساب وکتاب نا رداٹ جولائی آں اگست 2023-24اٹی چین ءِ جم وڑاٹ 350.297ملین ڈالر نا برآمد ریکارڈ کننگا وخت ا س کہ جولائی آن اگست 2022-23اٹی 333.077ملین ڈالرنا برآمدات کننگا ہندا وڑ برجامالی سال انا اولیکو اِرا تُواٹی 5.16 درسد نا ودکی ریکارڈ کننگا۔ سالانہ بنداو آ چین ءِ کروک آ برآمدات اگست 2022اتی 159.021ملین ڈالر ئسر، وخت اس کہ اگست 2023اٹی 198.932 ملین ڈالر نا برآمدات کننگا۔ اسٹیٹ بینک آف پاکستان نا حساب وکتاب نا رداٹ جم وڑاٹ ایلوملک آتے پاکستان نا کنڈآن کروک آ برآمد آتیٹی اولیکو اِرا تُو اٹی 8.26 درسد نا کمتی مون آ بسنے ہراکہ 4.951 ارب ڈالر آن 4.541 ارب ڈالر نا کہول اسکان سرمس۔
