لاہور۔ 06 اکتوبر (اے پی پی) سوئی نادرن نا گیس دُزی نا برخلاف کریک ڈاؤن پبی وڑاٹ برجاءِ۔ ترجمان نا رداٹ پنجاب، خیبرپختونخوا و اسلام آباد نا چندی علاقہ غاتیتی گیس دُزی نا برخلاف جاری کریک ڈاؤن اٹی پین 214 گیس کنکشن آتے کاٹ کرے، 368 انڈربلنگ کیس درج/پروسیس کننگا۔ گیس دُزی ٹی اوار بندغ آتیا 1 کروڑ 30 لکھ آن زیات نا جرمانہ بیٹ کننگانے۔ جمعہ نادے آ جاری رپورٹ نا رداٹ سوئی ناردرن گیس لاہور اٹی گیس انا غیرکانودی کاریم اٹ اتنگ آ 22 اُرائی کنکشن و کمپریسر نا کاریم اٹ اتنگ آ 05 کنکشن آتے کاٹ کننگا۔ بہاولپور اٹی ریجنل ٹیم کارروائی کرسا کمپریسر نا کاریم اٹ اتنگ آ 10، گیس انا غیرکانودی کاریم اٹ اتنگ آ 1 کنکشن اسے کاٹ کرےوخت اس کہ 12 انڈربلنگ کیس پروسیس/درج کننگا۔ مردان اٹی ٹیم کارروائی ٹی گیس انا غیرکانودی کاریم اٹ اتنگ آ 6 و 44 انڈربلنگ کیس پروسیس/ادرج کننگا۔ ملتان اٹی ریجنل ٹیم غیرکانودی کاریم اٹ اتنگ آ 19 و4 گیس کنکشن کمپریسر نا کاریم اٹ اتنگ آ کاٹ کننگ آن بیدس 6 انڈربلنگ کیس آتے پروسیس کرے۔ شیخوپورہ ٹی گیس انامیٹر اسے تون چھیڑچھاڑ و غیرکانودی کاریم اٹ اتنگ آ 20 کنکشن آتے کاٹ کننگا۔
