اسلام آباد۔ 05 اکتوبر (اے پی پی) بنجائی وزیر تعلیم و کسبی تربیت مددعلی سندھی پارینے کہ ورناذہن تے زموار و قابل شاری جوڑ کننگ اٹ استاد آتا کڑد قابل قدر ءِ ، ننا عزم ءِ کہ ہرچناجہانی آب انا تعلیم اسکان رسینگ دوئی کے۔ استاد آتا جہانی دے انا وخت آ تینا بیان اسے ٹی اوپارے کہ داپرمسرت وخت آ ای تینا غٹ استاد آتا است اٹ سفت ءِ کیوہ ہرا ننا ملک انا آخبت کن سخت کوشست کننگ ءُ۔ اوپارے کہ ورناذہن تے زموار و قابل شاری جوڑ کننگ اٹ نما کڑد قابل قدر ءِ، دا ننا عزم ءِ کہ ہرچنا جہانی آب انا تعلیم اسکان رسینگ دوئی کے۔ اوپارے کہ نن تعلیمی نظام اٹ بشخنگ ءِ چٹفنگ، اسہ انصاف اٹ و جوان نظام اس جوڑ کننگ کن سنبرینگوک اُن۔ ننے تینا طالب علم آتے گلوبلائزڈ ، ڈیجیٹل دنیا ٹی ترقی کننگ کن درکار مہارت و علم آن شپ کننگے۔ اوپارے کہ غٹ استاد آتے پوسکن آ تدریسی وڑوڈول آتے اٹ واکدار کننگ کن پدریسہ کسبی شونداری نا وارخواہی فراوان کننگک۔
