کوئٹہ۔ 05 اکتوبر (اے پی پی)اسسٹنٹ کمشنر سبی جاراللہ کاکڑ اینو بے نظیر انکم سپورٹ پروگرام نا رداٹ زالبول آتے کیش زر بشخنگ نا سینٹر نا معائنہ ءِ کرے ہراڑے بھلو کچ اسے ٹی زالبول آک ساڑی ئسر، و پولیس/لیویز نا لیڈی کانسٹیبل آک ہم ساڑی ئسر، اسسٹنٹ کمشنر سبی بینک انا کنڈآن مقرر کروک فرنچائز نا زموار آتے پارت کرے کہ او زالبول آتا شرف ءِ کرسا وڑوڈول ءِ پین آسان کیر و باسنی نا سوب آن آسراتی پنکھاو یخ ءُ دیر انا بست وبند ءِ کیر دا پارت آ دمدستی وڑاٹ پنکھا و یخ ءُ دیر انا آسراتی اسسٹنٹ کمشنر سبی تینا چاروکی ٹی مہیا کرفے و سختی اٹ پارت کرے کہ زالبول آتے پورو زر جاری کیر و کس اسے کٹوتی کپس ، اگہ کس اسے نا برخلاف غاو اس ملا تو اونا برخلاف ضابطہ نا رداٹ کارروائی کننگک۔
