کوئٹہ۔ 05 اکتوبر (اے پی پی)اسسٹنٹ کمشنر چھتر محمد اسماعیل مینگل پارینے کہ الس نا دسترس اسکان طبی آسراتی نا فراوانی ننا اولی زمواری تا بشخ ءِ مخلوق ءِ درمان نا بابت ہرممکن گام گیج کننگ انگ ءِ، مخلوق ءِ مرے کہ او جان جوڑ راج انا ٹہیفنگ کن تینا چناتے پولیو آن بچفنگ نا پڑی ہم کنفر تانکہ ایلو مرض آتیان رکھ اتون اوار اوار اوفتا چناک مچ آ زند انا معذوری آن ہم بچنگ کیر۔ اخیال آتا درشانی ءِ او ڈپٹی کمشنر نصیر آباد بتول اسدی نا پرمان تیا جان جوڑی بنداوی ہند گوٹھ عبدالحمید کھوسہ و سیول ڈسپنسری شوری ڈرابی گوٹھ حاجی عبدالرحمان شرکادورہ نا وخت آ گپ وتران کرسا کرے ، تحصیلدار سید محمد شاہ ہم اوڑتون اوار ئس ، اسسٹنٹ کمشنر چھتر محمد اسماعیل مینگل تحصیل میرحسن و چھتر اٹی چندی پولیو ٹیم تا کاریم ءِ چیک کرے اسسٹنٹ کمشنر تون اوار تعلقدار ایریاانچارج و یوسی ایم او ئسک ہم ساڑی ئسر ۔ اوچندی اُراتیان پولیو نا پڑی کنفوک آ چناتا کچ و دوتا نشان تے چیک کرے داکان بیدس ٹیم تتون اوڑدہی ہم کرے۔ گڑاس جاگہ غاتیا نشانات والامارکر نا ویل آتیان بیدس ٹیم تا کاریم است جم ئس اسسٹنٹ کمشنر ہموڑے متعینہ عملہ ناحاضری تے چیک کرے و الس ءِ میسر طبی آسراتی تا جاچ ءِ ہلک محمد اسماعیل مینگل پارے کہ مچ آ ضلع نا غٹ بی ایچ یوتیٹی گچین طبی آسراتی تا فراوانی ءِ پک کننگے، ڈاکٹر و ایلو عملہ تینا حاضری ءِ ہرحال اٹ پک کیر تانکہ الس ءِ ہم آسراتی تیٹی بروک آ مشکل آتا تدارک ءِ کننگ مرے، جان جوڑ کون آ نازرک باندات آ ڈیوالئی ءِ سگنگ پننگک ضلعی انتظامیہ نا کنڈآن جاچ انا چرجوئی آخبت خڑک اٹ ہم برجاسلک۔
