اسلام آباد۔ 04 اکتوبر (اے پی پی) مسکوہی وزیراعظم و اسپیکر قومی اسمبلی راجہ پرویز اشرف استاد آتا جہانی دے انا وخت آاستاد آتے خراج تحسین پیش کرساپارینے کہ مہذب و تعلیم یافتہ راج انا جوڑ کننگ اٹ استاد آتا کڑد بنداوی اہمیت تخک، خوان و خوانفنگ شیوہ پیغمبری ءِ، دا بشخ اتون وابستہ مننگ سعادت و اعزاز نا سوب ءِ، اللہ تعالیٰ انسان تے جہالت نا تہاری آن کشنگ و انسانیت نا راجی آسودہی کن انبیاکرام تے معبوث فرمائفے ہرافک درس و تدریس نا کمک اٹ انسانیت ءِ جہالت نا پستی تیا کشسا آسمان نا بڑزی تسکان سرکریر ۔ اوداخیال آتا درشانی ءِ استاد آتا جہانی دے انا وخت آ تینا کلہو اٹی کرے ہرا ہرسال 5 اکتوبر آ مچ آ دنیاٹی ادب و احتراب اٹ اڈتننگک۔
