کوئٹہ۔ 04 اکتوبر (اے پی پی) ڈپٹی کمشنر جھل مگسی اعجاز سرور نا کماشی ٹی پولیو ایوننگ میٹنگ اٹی برجامہم نا ارٹ میکو دے انا کارکڑد نا سرجمی اٹ جاچ ءِ ہلنگا۔ ڈپٹی کمشنر جھل مگسی اعجاز سرور پارے کہ انسداد پولیو مہم نا ٹیم تینا فرض ءِ بے کچ جوانی اٹ سرترسا ضلع جھل مگسی نا پنچ سال اسکان نا وئی نا غٹ چناتے پولیو آن بچفنگ نا پڑی کنفنگ اٹ لگوک ئسر فرض ءِ منصبی نا ادائیگی ٹی ڈیوالئی و لاپرواہی کروک آ ٹیم تا برخلاف سخت آن سخت کارروائی کننگک انسداد پولیو مہم نا ٹیم تیا بھلو زمواری اس مریک کہ حکومت بلوچستان نا کنڈآن ہرا پولیو نا ہدف آتے مقرر کننگانے اوفتے پورو کننگ اٹ غٹ تر توانائی تے خڑچ کیر ، اوپارے کہ مچ آ ضلع نا الس انسداد پولیو مہم نا ٹیم آتون تینا کمکاری ءِ پک کیر ، لمہ و باوہ تینا پنچ سال اسکان نا وئی نا چناتے پولیو آن بچفنگ نا پڑی ضرور کنفسا تینا لخت جگر ءِ مچ آ وئی نا معذوری آن بچفنگ اٹ اہم کڑد ادا کیر تانکہ وطن عزیز پاکستان آن داخطرناک موذی مرض ءِ ماس آن کشنگ ممکن مرے۔
