ماریا شراپووا اِراسال برمنگھم ایگون کلاسک ٹینس چیمپین شپ اس گوازی کننگ نا قول و اقرار کرے

ماسکو۔ 20مئی (اے پی پی) روس انا گولڈن گرل و مسکوہی جہانی نمبر اسٹ ماریا شراپووا لان ٹینس ایسوسی ایشن تون بروک آ اِراسال اسکان برمنگھم ایگون کلاسک چیمپین شپ اس گوازی کننگ نا قول و قرار کرے ، قول و اقرار نا رداٹ ایل ٹی اے ایونٹ نا شرکت نا فیس ئِ تفک۔ پنچ وارنا گرینڈ سلام چیمپین ئِ بروک آ تُو مروک آ ایونٹ کن وائلڈ کارڈانٹری تننگانے۔ شراپووا ڈوپ ٹیسٹ اٹی بے سہبی ناسوب 15تُو انا سزا ئِ چٹفنگ آن پد تدوک آ تُو ٹینس کورٹس اٹی پدی بسوسس ولے داسہ او مشکل مرحلہ غان گدرینگ انگ ئِ۔ اوفرنچ اوپن کن وائلڈ کارڈ انٹری نا درخواست تسوسس ولے کمامدارآک انکار کریر۔ لان ٹینس ایسوسی ایشن نا چیف مائیکل ڈاﺅ تینا بیان اٹی پارے کہ دا فیصلہ ئِ نن آسانی اٹ کتنون انتئے کہ اسہ باسک اس ہم داہیت آ متفق ہلو ولے اومیت ئِ کہ گوازی نا مفاد اٹی دا گچین جوڑ مریک۔