اسلام آباد۔ 20مئی (اے پی پی) اوغانستان کرکٹ ٹیم ہنداتُو انا ایسر اٹی ویسٹ انڈیز نا دورہ ئِ کیک۔ اوغانستان نا دا ویسٹ انڈیز نا برخلاف اولیکو تین پہ تینی سیریز ئِ۔ طے شدہ شیڈول نا رداٹ اوغان ٹیم 30مئی آ ٹی 20 پریکٹس میچ آن دورہ نا بنائِ کیک۔ اوکان پد اوغانستان و ویسٹ انڈیز نا نیام اٹ ٹی 20 سیریز نا اولیکو میچ 2جون، ارٹ میکو میچ 3جون وخت اس کہ مسٹ میکو و آخریکو میچ 5جون آ گوازی کننگک۔ اوغانستان و ویسٹ انڈیز نا نیام اٹ ون ڈے سیریز نا بناء9 جون آن مریک۔ ہڑتوم آ ٹیم تا نیام اٹ ارٹ میکو ون ڈے 11جون وخت اس کہ مسٹ میکو و آخریکو ون ڈے 14جون آ گوازی کننگک۔
