اقوام متحدہ۔ 05 جنوری (اے پی پی) اقوام متحدہ ٹی پاکستان نا آخبتی مندوب منیر اکرم پارینے کہ پاکستان ہمووخت اسکان آسرات تولپک ہراتم اسکان کشمیری الس ءِ اقوام متحدہ نا سلامتی کونسل نا قرارداد آتا رداٹ استصواب رائے نا کمک اٹ اقوام متحدہ نا قول انا رداٹ اوفتا ناقابل تنسیخ حق، حق خودارادیت دوئی مفک۔ اونیویارک اٹی کشمیری تا یوم حق خودارادیت نا وخت آ تینا کلہو اٹی پارے کہ 5 جنوری 1949 نا دے کشمیری تا جہد آجوئی ٹی بھاز اہمیت تخک۔ اوپارے کہ دادے اقوام متحدہ نا کمیشن بھارت و پاکستان (یو این سی آئی پی) نا نیام اٹ قراداد آتے امنائی وڑاٹ منظور کننگا ہراٹی اقوام متحدہ نا چاروکی ٹی رائے شماری نا کمک اٹ کشمیری تے تینا آخبت نا فیصلہ ءِ تینٹ کننگ نا موقع تننگ نا حق ءِ امنا کننگاسس۔ 5 جنوری 1949 آ کروک آ تینا قول آتیان پدی مرسا تینا جہانی زمواری تے پورو کتو و تدوک آ 7 دہائی آن رزاک اٹ جہانی کانود نا خلاف ورزی ءِ برجاتخانے۔ پاکستانی مندوب منیر اکرم پارے کہ پاکستان نا حکومت و الس ہمووخت اسکان آسرات تولپسہ ہراتم اسکان کشمیری الس اقوام متحدہ نا سلامتی کونسل نا قرارداد آتا رداٹ آجو و بے کنڈ ہلوک استصواب رائے نا کمک اٹ تینا ناقابل تنسیخ حق، حق خودارادیت نا درک ءِ خلپسہ ہرا کشمیر نا ویل انا انصاف اٹ و دیرپا ایسری نا اسٹ انگا ضمانت ءِ و کشمیر نا ویل انا ایسری و بھارت نا غیرکانودی کوزہ ٹی جموں وکشمیر اٹی انسانی حق انا بھلا و منظم خلاف ورزیک چٹپسہ۔
