مزن وزیر شہباز شریف صدر رجب طیب اردوان ءِ دعوت ءِ سرا دو روچی تر ءُ تاب ءِ سرا انقرہ ءَ روادگ بوتگ

اسلام آباد۔22اپریل  (اے پی پی): مزن وزیر شہباز شریف ترکی ءِ صدر رجب طیب اردوان ءِ دعوت ءِ پد ءَ دو روچی تر ءُ تاب ءَ انقرہ ءَ شتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ تر ءُ تاب ءِ ساھت ءَ مزن وزیر صدر طیب اردوان ءِ گوما دو نیمگی سیادی ءِ ھوار نوکیں جھان ءُ دمگی دیمروئی آنی سر ءَ گپ ءُ تران کنت۔ پاکستان ءُ ترکی ءِ نیام ءَ دیریں اتحادی ءُ اسٹریٹجک شریک ءِ بستار ءَ باقاعدہ مزنیں تک ءِ تبادلہ ءِ روایت برجاہ انت کہ دوئیں ملک آنی نیام ءَ براتی ءِ غیر معمولی بندش آنی درشان انت۔ دوئیں ملک آنی نیمگ ءَ وت مہ وتی ءِ جتا جتائیں جیڈھ آنی سر ءَ کمک ءُ ھمگرنچی ءِ واستہ مزنیں تک ءِ اسٹریٹجک کوآپریشن کونسل ءِ رنگ ءَ سروکی ءِ تک ءِ میکانزم ھم جوڑ کنگ بوتگ۔ ایچ ایل ایس سی سی ءِ 7می دیوان 12-13فروری 2025ءَ اسلام آباد ءَ برجم دارگ بوتگ ات، صدر رجب طیب اردوان ءُ مزن وزیر محمد شہباز شریف ءَ 7می دیوان ءِ شریکیں سروکی کتگ ات۔ متوقع گند ءُ نند اے مھکمیں گپ ءُ تران ءِ برجائی ءِ نمائندگی کنت ءُ پاکستان ءُ ترکی ءِ نیام ءَ کثیر جہتی شریکداری ءَ را گیش برز کنگ ءِ یکجائی عزم ءَ را پدر کنت۔ مزن وزیر ءِ ھمراہی ءَ نائب مزن وزیر ءُ درئی کارانی وزیر محمد اسحاق ڈار، اھوالکاری ءُ شنگکاری ءِ وزیر عطا اللہ تارڑ ءُ ھاسیں کمکار طارق فاطمی ھم ھوار انت۔