مزن وزیر شہباز شریف ءَ روانڈا ءِ درئی کارانی وزیر ءَ گوں گند ءُ نند ءَ گوشت کہ روانڈا ءِ گوما کاروباری سیادی ءَ چہ دو نیمگی تجارت ءَ را گیش کنگ ءَ کمک رسیت

اسلام آباد۔22اپریل  (اے پی پی): مزن وزیر محمد شہباز شریف ءَ روانڈا ءِ گوما تجارت ءُ سرمایہ کاری ءَ ھوار جتا جتائیں شوبگ آنی تہ ءَ کمک ءَ را گیش دیمروئی دیگ ءِ وتی عزم ءِ پدر کنگ ءَ گوشت کہ کاروباری سیادی ءَ چہ دو نیمگی تجارت ءَ را گیش کنگ ءَ کمک رسیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی جمہوریہ روانڈا ءِ درئی کار ءُ میاں اوستمانی کمک ءِ وزیر اولیور جیان پیٹرک دوہنجیرے ءَ گوں گپ ءُ تران کنان ءَ کت آئی ءَ سئے شمبے ءِ روچ ءَ ادا گند ءُ نند کت۔ گند ءُ نند ءِ تہ ءَ مزن وزیر ءَ روانڈا ءِ دری کارانی وزیر ءَ را وش اتک کت ءُ صدر پال کاگامے ءُ مزن وزیر ایڈورڈ گوئرنٹ ءِ واستہ نیکیں واھگ آنی درشان کت۔ آئی ءَ صدر پال کاگامے ءَ را پاکستان ءِ سرکاری تر ءُ تاب ءِ دعوت داتگ۔ دوئیں ملک آنی نیام ءَ دو نیمگی سیادی آنی دیمروئی ءِ سر ءَ دل یکیمی ءِ درشان کنان ءَ مزن وزیر ءَ پاکستان ءِ واھشت ءِ سر ءَ زور پر دات کہ آ روانڈا ءِ گوما جتا جتائیں شوبگ آنی تہ ءَ ھاسیں رنگ ءَ تجارت، سرمایہ کاری ءُ مردم آنی نیام ءَ مردم آنی تبادلہ ءِ تہ ءَ وت مہ وتی کمک ءَ را گیش مھکم بہ کنت۔ مزن وزیر ءَ روانڈا ءَ را اسلام آباد ءَ وتی مشن ءِ پچ کنگ ءِ پد ءَ مبارک بات دات ءُ گوشت کہ اے کاروباری رابطہ آنی وسیلگ ءَ دو نیمگی تجارت ءِ تہ ءَ گیشی ءِ واستہ کمک کنت۔ روانڈا ءِ دری کارانی وزیر ءَ مزن وزیر ءِ نیکیں واھشتانی سر ءَ شگر ءُ منت گپت ءُ گوشت کہ روانڈا پاکستان ءِ گوما تجارتی ءُ اقتصادی سیادی ءَ را گیش مھکم کنگ ءِ واھشت مند اِنت۔ آئی ءَ گیش تران کت کہ یک تجارتی ڈلے منی گوما پاکستان ءَ اتکگ ءُ لاہور ءَ تجارتی دیمروئی ءِ مراگش ءَ بہر زرتگ۔ گند ءُ نند ءَ اقوام متحدہ ءِ تہ ءَ دوئیں ملک آنی نیام ءَ کثیر نیمگی کمک ءِ بابت ءَ ھم ھیال ریچی کنگ بوت۔ پاکستان ءُ روانڈا ءِ میان استمانی دیواناں یکجاھیں قدر ءُ قیمت، یکے دومی ءِ سر ءَ بھروسہ ءُ کمک ءِ بنیاد ءَ دوستی ءُ دلپھکی ءِ سیادی ھست۔