اسلام آباد۔ 05 جنوری (اے پی پی) حریت راہشون یاسین ملک نا اُرائی مشال ملک پارینے کہ مقبوضہ جموں وکشمیر اٹی بھارتی بربریت و بیدادی نا اسہ سال اس پین گدرینگا، بھارت حق خودارادیت تننگ نا جاگہ غا کشمیر ءِ زندان اٹ بدل کرے۔ یوم حق خودارادیت نا وخت آ تینا کلہو اٹی مشال ملک پارے کہ دعا ءِ 2023 کشمیری تیکن بھارتی کوزہ غان آجوئی نا سال پک مرے، مقبوضہ جموں کشمیر اٹی مرک رقص کننگ اٹی ءِ۔ مشال ملک پارے کہ حق خودارادیت خواہوک آتا توار ءِ ہمیشہ کن چپ کننگک۔ کشمیری الس ہر مشکل اٹی پاکستان زندہ باد نا نعرہ ءِ خلنگ اٹی ءُ، اقوام متحدہ کشمیر آ تینا قراردادآتیا عملدرآمد کرفے۔
